இலங்கை- பாகிஸ்தான் கிரிக்கெட் போட்டிகள்! கிரிக்கெட் வீரர்கள் எடுத்துள்ள முடிவு...

Nov 13, 2025 - 19:43
 0  1
இலங்கை- பாகிஸ்தான் கிரிக்கெட் போட்டிகள்! கிரிக்கெட் வீரர்கள் எடுத்துள்ள முடிவு...

பாதுகாப்புக் காரணங்களால் பாகிஸ்தான் சுற்றுப்பயணத்தில் இருந்து வெளியேற முடிவு செய்திருந்த இலங்கை கிரிக்கெட் வீரர்கள், போட்டிகளில் தொடர்ந்து பங்கேற்க தற்போது இணக்கம் தெரிவித்துள்ளனர். இஸ்லாமாபாத்தில் நடந்த தற்கொலைக் குண்டுத் தாக்குதலுக்குப் பிறகு, இலங்கை அணியின் ஒரு பகுதியினர் பாதுகாப்புக் காரணங்களுக்காக நாட்டிற்குத் திரும்பத் திட்டமிட்டிருந்ததாகத் தகவல் வெளியானது. ஆரம்பத்தில் 16 வீரர்கள் நாடு திரும்புவதாகக் கூறப்பட்ட நிலையில், பின்னர் 8 பேர் வரை திரும்புவதாகத் தெரிவுக் குழு உறுப்பினர் ஒருவர் குறிப்பிட்டிருந்தார்.

எனினும், கிரிக்கெட் நிறுவனத்தின் அனுமதியின்றி நாடு திரும்புபவர்கள் இரண்டு ஆண்டுகள் வரை கிரிக்கெட் விளையாடத் தடை செய்யப்பட சட்டப்பூர்வ வாய்ப்பு இருந்ததாகவும் தகவல் வெளியாகியிருந்தது. இந்தச் சூழலில், பாகிஸ்தானிய கிரிக்கெட் கட்டுப்பாட்டுச் சபையின் தலைவர், இலங்கை வீரர்கள் தொடர்ந்து பாகிஸ்தானில் தங்கிப் போட்டிகளில் பங்கேற்க ஒப்புக்கொண்டதாகத் தெரிவித்துள்ளார்.

இதையடுத்து, இரு நாடுகளுக்கும் இடையிலான ஒருநாள் போட்டிகள் திட்டமிட்டபடி நவம்பர் 14 மற்றும் 16 ஆம் திகதிகளில் ராவல்பிண்டியில் நடைபெறும் என்றும் அவர் உறுதிப்படுத்தியுள்ளார். பாகிஸ்தான் சுற்றுப்பயணத்தைத் தொடர முடிவெடுத்த இலங்கை அணிக்கு, பாகிஸ்தானிய கிரிக்கெட் கட்டுப்பாட்டுச் சபைத் தலைவர் நன்றி தெரிவித்துள்ளார்.

What's Your Reaction?

Like Like 0
Dislike Dislike 0
Love Love 0
Funny Funny 0
Angry Angry 0
Sad Sad 0
Wow Wow 0