பொருளியல் துறை வரலாற்றில் தமிழனுக்கு கிடைத்த முதல் அங்கீகாரம்!

கொழும்புப் பல்கலைக்கழகத்தின் பொருளியல் துறைத் தலைவராகக் கோபாலபிள்ளை அமிர்தலிங்கம் அவர்கள் தெரிவு செய்யப்பட்டுள்ளார். கொழும்புப் பல்கலைக்கழகத்தின் பொருளியல் துறை வரலாற்றில், ஒரு தமிழர் துறைத் தலைவராகப் பதவி வகிப்பது இதுவே முதன்முறையாகும். திருகோணமலை சம்பூரைச் சொந்த இடமாகக் கொண்ட இவர், ஊடறுப்பு நிகழ்ச்சியில் கலந்துகொண்டு தனது வாழ்க்கைப் பயணத்தையும், வெற்றிக்கு முன் தான் சந்தித்த சவால்களையும் பகிர்ந்துகொண்டுள்ளார்.

1983-ஆம் ஆண்டுக்குப் பிறகு நாட்டின் நிலைமை மோசமடைந்ததால், ஆசிரியர்கள் மற்றும் வகுப்புகள் இன்றி கஷ்டப்பட்டதாக அவர் குறிப்பிட்டுள்ளார். இருப்பினும், 'வரையறுக்கப்பட்ட வளங்களை உச்ச அளவில் பயன்படுத்துவது' என்ற பொருளியல் கோட்பாட்டின் வழியில் தாம் செயல்பட்டு வாழ்க்கையில் முன்னேறியதாகவும் அவர் தெரிவித்துள்ளார்.