தோனியின் ஓய்வு! வெளியான அதிகாரப்பூர்வ தகவல்

சென்னை சூப்பர் கிங்ஸ் (CSK) அணியின் தலைமைச் செயல் அதிகாரி (CEO) காசி விஸ்வநாதன், மகேந்திர சிங் தோனி 2026 ஆம் ஆண்டு ஐபிஎல் தொடரில் விளையாடுவார் என்று உறுதிப்படுத்தியுள்ளார். அத்துடன், அவர் தற்போதைக்கு ஓய்வு பெறப்போவதில்லை என்றும் தெரிவித்துள்ளார்.

தோனி ஐபிஎல் 2026 தொடங்குவதற்கு முன்பு ஓய்வு பெறுவாரா அல்லது அடுத்த சீசனில் விளையாடுவாரா என்ற கேள்விகள் ரசிகர்கள் மத்தியில் தொடர்ந்த நிலையில், சமூக ஊடகத் தளத்தில் குழந்தைகளுடன் நடந்த உரையாடலின்போது சிஇஓ இந்த அதிகாரப்பூர்வ அறிவிப்பை வெளியிட்டுள்ளார்.

ஐபிஎல் வரலாற்றில் மிகச்சிறந்த கேப்டனாகக் கருதப்படும் 44 வயதான தோனி, சென்னை சூப்பர் கிங்ஸ் அணியை ஐந்து முறை ஐபிஎல் சாம்பியன்ஷிப் பட்டத்திற்கு வழிநடத்தியுள்ளார். அவரது ஆட்டத் திறமையும், ஆட்டத்தை முடித்துக் கொடுக்கும் திறமையும் (Finishing) இன்றும் அணிக்கு மிக முக்கியமானதாகக் கருதப்படுகிறது.