சந்திரனில் அணு உலை அமைக்க நாசா திட்டம்: 2030-க்குள் இலக்கு

அமெரிக்க விண்வெளி நிறுவனமான நாசா (NASA), 2030 ஆம் ஆண்டுக்குள் சந்திரனில் அணு உலை அமைக்கும் திட்டங்களைத் துரிதப்படுத்தி வருவதாக அமெரிக்க ஊடகங்கள் செய்தி வெளியிட்டுள்ளன. சந்திரனின் மேற்பரப்பில் மனிதர்கள் நிரந்தர தளத்தை உருவாக்குவதே அமெரிக்காவின் இந்த இலட்சியத்தின் நோக்கமாகும்.

சந்திரனில் ஒரு தன்னாட்சி அணு மின் நிலையத்தை அமைக்கும் இதேபோன்ற திட்டங்களைச் சீனாவும் ரஷ்யாவும் 2035 ஆம் ஆண்டுக்குள் அறிவித்திருப்பதைக் கருத்தில் கொண்டு நாசாவின் செயல் தலைவர் இந்தத் திட்டத்தைத் துரிதப்படுத்துவதாகக் குறிப்பிட்டுள்ளார். சந்திர மேற்பரப்பில் தொடர்ச்சியான மின்சாரத்தை வழங்க அணு உலை அமைப்பதே சிறந்த ஒரே வழி என்று பெரும்பாலான விஞ்ஞானிகள் ஒப்புக்கொள்கின்றனர்.

ஏனெனில், சந்திரனில் இரண்டு வாரங்கள் தொடர்ச்சியான சூரிய ஒளியும், இரண்டு வாரங்கள் தொடர்ச்சியான இருளும் நிலவுவதால், சூரிய சக்தியை மட்டும் நம்பியிருப்பது மிகவும் சவாலானது. எனினும், நாசாவின் சமீபத்திய பாதீட்டு வெட்டுக்களைக் கருத்தில் கொண்டு, இந்த இலக்கின் யதார்த்தம் குறித்து கேள்விகள் எழுந்துள்ளன.