உயர்தரப் பரீட்சைகள் நிறைவடைவதற்கு முன்னர் மதிப்பீட்டு நடவடிக்கைகள் ஆரம்பம்

தற்போது நடைபெற்று வரும் க.பொ.த உயர்தரப் பரீட்சைகள் நிறைவடைவதற்கு முன்னரே மதிப்பீட்டு (திருத்தும்) நடவடிக்கைகள் ஆரம்பிக்கப்படும் என்று பரீட்சைகள் ஆணையாளர் நாயகம் இந்திகா குமாரி தெரிவித்துள்ளார்.

நாடளாவிய ரீதியில் 2,362 பரீட்சை நிலையங்களில் தொடங்கியுள்ள இந்த உயர்தரப் பரீட்சைகள் அடுத்த மாதம் (டிசம்பர்) 5 ஆம் திகதி வரை நடைபெறவுள்ளது. இந்த ஆண்டு, 246,521 பாடசாலைப் பரீட்சார்த்திகளும் 94,004 தனியார் பரீட்சார்த்திகளும் பரீட்சைக்குத் தோற்றுவது குறிப்பிடத்தக்கது. தேர்வு முடிவுகளை விரைவாக வெளியிடுவதற்காக, தேர்வு முடிவடைவதற்கு முன்பே விடைத்தாள் திருத்தும் பணிகளைத் தொடங்க இந்த நடவடிக்கை எடுக்கப்பட்டுள்ளது.