கூகுள் நிறுவனத்திற்கு 300 கோடி ரூபாய் அபராதம் விதிப்பு

உலகின் முன்னணி இணையத் தேடுபொறி நிறுவனமான கூகுள் நிறுவனத்திற்கு ஆஸ்திரேலிய நீதிமன்றம் ரூ.315 கோடி (36 மில்லியன் அமெரிக்க டொலர்) அபராதம் விதித்துத் தீர்ப்பளித்துள்ளது. ஆஸ்திரேலியாவின் இரண்டு பெரிய தொலைத்தொடர்பு நிறுவனங்களுடன் போட்டி எதிர்ப்பு ஒப்பந்தங்களில் (Anti-competition agreements) கூகுள் ஈடுபட்டதற்காக இந்த அபராதம் விதிக்கப்பட்டுள்ளதாகத் தெரிவிக்கப்பட்டுள்ளது. ஆண்ட்ராய்டு தொலைபேசிகளில் போட்டித் தேடுபொறி நிறுவனங்களைத் தடுத்ததற்காக இந்தச் சட்டவிரோத ஒப்பந்தங்கள் மேற்கொள்ளப்பட்டதாகக் கூகுள் ஒப்புக்கொண்ட பின்னரே ஆஸ்திரேலிய நீதிமன்றம் இந்தத் தீர்ப்பை வழங்கியுள்ளது.