கோர விபத்தில் பரிதாபமாக உயிரிழந்த இளைஞன்

கலேன்பிந்துவெவ - ஹொரவ்பொத்தான பிரதான வீதியில் இன்று இடம்பெற்ற கோர விபத்து ஒன்றில் 19 வயது இளைஞர் ஒருவர் பரிதாபமாக உயிரிழந்தார். ஹொரவ்பொத்தான பகுதியைச் சேர்ந்த உல்முதீன் சாஹில் அகமது என அடையாளம் காணப்பட்ட இந்த இளைஞர், மோட்டார் சைக்கிளில் பயணித்துக்கொண்டிருந்த போது, மஹதிவுல்வெவவிலிருந்து தம்பலகமுவ நோக்கிச் சென்றுகொண்டிருந்த பேருந்து மோதியதில் சம்பவ இடத்திலேயே உயிரிழந்துள்ளார். உயிரிழந்த இளைஞரின் சடலம் மேலதிக நடவடிக்கைகளுக்காக திருகோணமலை பொது மருத்துவமனைக்கு கொண்டு செல்லப்பட்டுள்ளது. இந்த விபத்து குறித்து மொரவெவ பொலிஸார் மேலதிக விசாரணைகளை மேற்கொண்டு வருகின்றனர்.